Google Translate ko mila AI Upgrade

 

Google Translate ko mila AI Upgrade – Ab milega Live Translate aur Practice Feature

Google Translate ab aur smart ho gaya hai! Ab tak ye app bas copy-paste ya type karke turant translation karne ki facility deta tha, lekin ab Google ne isme apne Gemini AI models ka use karke do naye features add kiye hain. Ye updates Translate ko ek simple translation tool se ek language coach bana dete hain.

Google Translate ke naye AI features

Google ke blog post ke according, Translate app me 2 naye features aa rahe hain jo Android aur iOS users ke liye available honge. Filhaal ye update India, Mexico aur US me roll out ho raha hai.

1. Live Translate – Real time baat-cheet ka solution

Ab do alag languages bolne wale log bina dikkat ke ek doosre se baat kar paayenge.

• Translate app me bottom left side par ek naya ‘Live Translate’ icon milega.

• Is par tap karne ke baad, aap do languages set kar sakte ho aur microphone on karke baat kar sakte ho.

• App dono languages me speech ko process karke transcribe karega.

• Ek message bubble icon bhi diya gaya hai, jo tab useful hoga jab do log face-to-face baith kar baat kar rahe ho.

Google ka kehna hai ki ye feature pauses, accents aur intonation ko samajhne ke liye AI ka use karta hai, jisse conversation aur natural lagti hai.

2. Practice Feature – Language learning ab easy

Dusra feature Translate ko ek simple app se ek Language Coach bana deta hai.

• App me ab ek naya ‘Practice’ option add hua hai.

• Yahan users listening aur speaking practice sessions create kar sakte hain.

• Ye sessions user ke skill level (Beginner ya Advanced) ke hisaab se customise ho jaate hain.

• Aap kisi conversation ko sun kar words par tap kar sakte ho ya phir hints ki madad se bolne ka practice kar sakte ho.

Ye feature almost Duolingo jaisa feel deta hai, lekin Google ka kehna hai ki ye latest language learning studies ke base par design kiya gaya hai.

Abhi beta version me available

Currently ye feature beta version me available hai.

• English bolne wale log Spanish aur French practice kar sakte hain.

• Aur Spanish, French aur Portuguese bolne wale log English seekh paayenge.

---

👉 To doston, Google Translate ab sirf ek translation app nahi raha, balki ek real-time conversation tool aur language learning coach ban gaya hai. Ye update definitely aapki language learning journey ko easy aur interesting bana dega.